Aktualitetet e anetareve

Fusha e bitumit natyror në Shqipëri pas Covid-19: Tre pyetje me Patrick Pascal

Intervistë: Tre pyetje me Patrick Pascal / Selenice Bitumi

 

CCIFA: Selenice Bitumi SHA, ekstrakton, përpunon, prodhon dhe shpërndan asfaltit natyror. Si mendoni se do të luhatet tregu në fushën që ju mbuloni pas pandemisë COVID-19 në Shqipëri?

P.P: Në nivel ndërkombëtar në tregun e eksporteve, kemi pasur një fillim shumë të mirë edhe në mes të një pandemie, nuk kemi vizibilitet të qartë për vjeshtën por mendojmë se do të qëndrojmë gjatë vitit në një nivel më të lartë se 2019.  Ne nuk shesim asgjë në Shqipëri në nivelin e bitumit për rrugët dhe madje edhe kur specifikimet teknike rekomandojnë produktin tonë, Kontraktorët e injorojnë këtë dhe dikush mund të pyesë veten se si është e mundur? Rrugët e ndërtuara në Shqipëri mund të duken të bukura kur janë të reja por ato janë shumë larg nga standardet e kërkuara për vendin dhe kjo është arsyeja pse pas dy vitesh ato përkeqësohen. Ne shesim vetëm karburant  për fabrikat lokale të çimentos në një treg shumë konkurrues dhe të padrejtë në vend dhe ndërkombëtar dhe kjo kërkon përpjekje të vazhdueshme për optimizim. Shitjet tona nuk kanë rënë shumë në këtë sektor dhe ne jemi të varur nga rimëkëmbja e ndërtimeve në Shqipëri dhe çmimi i naftës duke e ditur që një fuçi nën 30 £ na penalizon jashtëzakonisht shumë.

 

CCIFA: Menaxhimi i stafit është shumë i rëndësishëm në kohë krize. Cilat janë metodat tuaja për të menaxhuar më mirë ekipin tuaj gjatë këtyre kohërave të vështira?

P.P: Ne ishim me fat që kemi rritur aktivitetin përmes eksporteve tona në Marok, Vietnam, Republikën Ceke, Ukrainë, dhe për këtë arsye përveç zyrës së Tiranës, ku drejtuesit qëndruan në shtëpi pjesërisht, duke punuar në distancë, asgjë nuk ka ndryshuar në terren, përveç përshtatjeve të nevojshme të respektimit të distancave, përdorimi i xhelit hidroalkoolik, maskat (që ne zakonisht i përdorim në zonat e pluhurit). Në nivelin e Menaxhimit,  si CEO, kam punuar çdo ditë dhe kam dhënë një shembull, dhe mbi të gjitha, ne jemi një familje me pak lëvizje dhe për këtë arsye besimi në aftësinë e Kompanisë për t'u përballur me krizën ishte një element qetësues në mes të ankthit të ambjentit që ne të gjithë kemi përjetuar.

 

CCIFA: Një mesazh për anëtarët e CCI France-Albanie?

P.P: Shpresojmë që të gjithë ta keni kapërcyer me sukses këtë krizë dhe se ditët e  bukura në kuptimin e parë dhe atë figurativ janë më në fund këtu.

Share this page Share on FacebookShare on TwitterShare on Linkedin